Օտարերկրյա անձին ավելացված արժեքի հարկի (ԱԱՀ) գումարները վերադարձնելու համար գանձվում է միջնորդավճար` ԱԱՀ-ի գումարի 10%-ի չափով, որը պակասեցվում է օտարերկրյա տվյալ քաղաքացուն վերադարձվող ԱԱՀ-ի գումարից:

ՀՀ տարածքում վճարած ԱԱՀ-ի գումարները հետ է վերադարձվում հետևյալ դեպքերում․

• Օտարերկրյա անձանց կողմից տվյալ հարկ վճարողից 1 օրացույցային օրվա ընթացքում ԱԱՀ-ի վերադարձի հաշվով ձեռք բերված ապրանքների արժեքը (ներառյալ ԱԱՀ) կազմում է 50․000 ՀՀ դրամ։
• ՀՀ-ից այդ ապրանքները արտահանվում են ՀՀ տարածքում օտարերկրյա անձանց կողմից դրանց ձեռքբերմանը հաջորդող 90 օրվա ընթացքում։
• Մինչև ՀՀ-ից այդ ապրանքների արտահանումը դրանք չեն օգտագործվել և ունեն գործարանային փաթեթավորում և (կամ) պիտակավորում։

 ՀՀ տարածքում ձեռք բերված ապրանքների համար վճարված ավելացված արժեքի հարկի գումարները չեն վերադարձվում, եթե օտարերկրյա անձի կողմից ձեռք են բերվել․

• Սննդամթերք
• Ծխախոտի արտադրանք
• Դեղորայք
• Մշակութային արժեքներ
• Տրանսպորտային միջոցներ և դրանց առանձին մասեր
• Ապրանք (ապրանքներ), որի (որոնց) դիմաց օտարերկրյա առանձին վերադարձման ավելացված արժեքի հարկի գումարը պակաս է 8335 ՀՀ դրամից։

• Անձը հաստատող փաստաթղթի պատճեն
• Ավելացված արժեքի հարկի վերադարձի հաշիվ
• Արտահանման ենթակա ապրանքների դիմաց կատարված վճարումը, հավաստող փաստաթուղթ (ՀԴՄ կտրոն կամ դրամարկղի մուտքի օրդեր կամ բանկային փոխանցման անդորագիր)