Մրցույթի հրապարակային ծանուցում անշարժ և շարժական գույք գնահատող կազմակերպությունների ընտրության համար
ԱՐԱՐԱՏԲԱՆԿ ԲԲԸ-ն Գնահատող ընկերությունների հետ համագործակցության պայմանագրեր կնքելու նպատակով 2019 թվականի դեկտեմբերի 10-ից մինչև դեկտեմբերի 20-ին կազմակերպում է մրցույթ:
Մրցույթին մասնակցելու ցանկություն ունեցող կազմակերպությունները կարող են մրցութային հայտեր ներկայացնել Բանկի գտնվելու վայր` ք.Երևան, Բուզանդի 87 շինություն, 85 շենք հասցեով: Մրցութային հայտերը կարող են ներկայացվել առձեռն (աշխատանքային օրերին ժամը 09։00-ից մինչև 16։00-ն) կամ ուղարկվել պատվիրված նամակով: Հայտերն ընդունվում են մինչև 2019 թվականի դեկտեմբերի 20-ի ժամը 16:00-ն։
Մրցույթի պայմաններն են՝
- Անշարժ գույք գնահատելու որակավորման վկայականի առկայություն,
- Անշարժ ու շարժական գույք գնահատելու առնվազն հինգ և ավելի տարվա անընդմեջ աշխատանքային փորձ,
- Գնահատող առնվազն երկու որակավորված մասնագետ, ոորնք ունեն նվազագույնը մեկ տարվա անընդմեջ աշխատանքային փորձ՝ անշարժ և շարժական գույք գնահատելու ոլորտում,
- Երկու և ավելի բանկերի հետ առնվազն մեկ տարվա աշխատանքային փորձ,
- ԱՐԱՐԱՏԲԱՆԿ ԲԲ ընկերությունում 5 միլիոն ՀՀ դրամի ավանդի առկայություն,
- Մրցունակ սակագնային քաղաքականություն,
- ՀՀ տարածքում գործով ապահովագրական ընկերությունում 50 միլիոն ՀՀ դրամի ապահովագրության առկայություն։
Մրցույթի վերաբերյալ տեղեկատվությունը կարելի է ստանալ համացանցի Բանկի տնային էջից` www.araratbank.am: Մրցույթի վերաբերյալ ունեցող հարցերի դեպքում կարող եք դիմել յուրաքանչյուր աշխատանքային օր ժամը 09:00-ից մինչև 18:00-ին, Գույքի գնահատման բաժնին (հեռ. 592323):
Մրցույթում հաղթող անձի (անձանց) հետ կկնքվի համապատասխան պայմանագիր:
Մրցույթին մասնակցելու համար պահանջվող փաստաթղթերի ցանկ։
Մրցույթին մասնակցելու անհրաժեշտ փաստաթղթերի ցանկը և հաղթողին որոշելու կարգը սահմանված է Բանկի «Անշարժ և շարժական գույք գնահատող ընկերությունների ընտրության ընթացակարգ»-ով, որին կարելի է ծանոթանալ և դրա պատճենները ստանալ Բանկի գլխամասային գրասենյակում` յուրաքանչյուր աշխատանքային օր ժամը 09:00-ից մինչև 16:00-ն:
Մրցույթում ծածկագրեր չեն կիրառվում:
Մրցույթի մասնակցության վճարը կազմում է 10,000 ՀՀ դրամ, որը ենթակա է կանխիկ վճարման Բանկի դրամարկղ կամ Բանկի 103002101519 հաշվեհամարին:
Մրցույթի հայտերը կբացվեն 2019 թվականի դեկտեմբերի 23-ին ժամը 16։00-ին, իսկ հայտերի ամփոփումը կկատարվի նույն օրը նույն ժամին։
Էջը թարմացվել է` 13.12.2019 | 10:36
Տեղեկատվության հայերեն և անգլերեն տարբերակների միջև անհամապատասխանության առկայության դեպքում առաջնայնությունը տրվում է հայերեն տարբերակին:
