ԱՐԱՐԱՏԲԱՆԿ ԲԲԸ-10-րդ թողարկման պարտատոմսերը ցուցակվել են ՆԱՍԴԱՔ ՕԷՄԷՔՍ Արմենիա Ֆոնդային բորսայում

Այսօր` դեկտեմբերի   18-ին ՆԱՍԴԱՔ ՕԷՄԷՔՍ Արմենիա ֆոնդային բորսայում ցուցակվեց ԱՐԱՐԱՏԲԱՆԿ ԲԲԸ-ի   անվանական արժեկտրոնային պարտատոմսերի 10-րդ թողարկումը:

Հիշեցնենք, որ բանկը թողարկել էր 80 հազ. անվանական, ոչ փաստաթղթային, արժեկտրոնային պարտատոմս՝ $2 մլն ծավալով, $25 անվանական արժեքով, 7% տարեկան տոկոսադրույքով եւ 2 տարի շրջանառության ժամկետով: Արժեկտրոններով վճարումները իրականացվելու են եռամսյակը մեկ անգամ:

ԱՐԱՐԱՏԲԱՆԿԻ  հետ կնքած պայմանագրի համաձայն` շուկա ստեղծող (մարքեթ մեյքեր) հանդիսացող  «Ռենեսա» ՓԲԸ-ն յուրաքանչյուր աշխատանքային օր կկատարի բանկի կորպորատիվ պարտատոմսերի գնանշում:  Նշենք,որ ԱՐԱՐԱՏԲԱՆԿԻ կորպորատիվ պարտատոմսերն ապահովված են բարձր իրացվելիությամբ, ինչը թույլ է տալիս կարճ ժամանակահատվածում իրականացնել համապատասխան պարտատոմսերի առք ու վաճառք:

ԱՐԱՐԱՏԲԱՆԿ-ի կորպորատիվ պարտատոմսերով անհրաժեշտ գործարքներ իրականացնելու համար, ցանկացած ներդրող կարող է այցելել  ԱՐԱՐԱՏԲԱՆԿԻ գլխամասային գրասենյակ կամ ցանկացած մասնաճյուղ: