ԱՐԱՐԱՏԲԱՆԿԸ հինգերորդ տարին ճանաչվում է Հայաստանի ամենաակտիվ թողարկող բանկը

Վերակառուցման և զարգացման եվրոպական բանկի (EBRD) կողմից ԱՐԱՐԱՏԲԱՆԿ ԲԲԸ-ն  Միջազգային առևտրի խթանման ծրագրի (TFP) շրջանակում ճանաչվել է “2015թ.-ի ամենաակտիվ թողարկող բանկը Հայաստանում”:  Լոնդոնում  ՎԶԵԲ-ի հերթական տարեկան ընդհանուր ժողովի  ժամանակ մրցանակը  ՎԶԵԲ-ի ֆինանսական հաստատությունների գծով գործադիր տնօրեն Նիք Թեսեյմանը  հանձնել է ԱՐԱՐԱՏԲԱՆԿ ԲԲԸ-ի պատվիրակությանը: Նշենք, որ “TFP Award” պատվավոր մրցանակին բանկն արժանանում է  հինգերորդ  անգամ:

Դեռևս 2007 թ.-ից ՎԶԵԲ-ի հետ մեկնարկած համագործակցության շնորհիվ բանկն   իր հաճախորդներին առևտրի ֆինանսավորման գործիքներից  առաջարկում է  փաստաթղթային ակրեդիտիվներ և երաշխիքներ` ինչպես  ներմուծման, այնպես էլ արտահանման նպատակով: