ԱՐԱՐԱՏԲԱՆԿԸ պարգեւատրվել է միջազգային արագ դրամական փոխանցումների բարձրակարգ սպասարկման համար

ԱՐԱՐԱՏԲԱՆԿԻ այս տարվա երրորդ մրցանակը Xpress Money արագ դրամական փոխանցումների համակարգի կողմից էր: Արտասահմանյան գործընկերը բարձր է գնահատել  բանկի հետ շարունակական արդյունավետ համագործակցությունը, հաճախորդների որակյալ սպասարկումը և Xpress Money համակարգով իրականացվող գործառնությունների անընդհատ աճը:

Մրցանակը հանձնվել է բանկի Միջազգային գործանությունների վարչության պետ Զարուհի Մելքոնյանին`  համակարգի ներկայացուցիչների  Հայաստան կատարած հերթական այցի  ժամանակ:   Հանդիպման ընթացքում  կարևորվել է ԱՐԱՐԱՏԲԱՆԿԻ  զգալի ներդրումը Հայաստանում Xpress Money համակարգի զարգացման և ճանաչելիության բարձրացման հարցում:

Նշենք, որ ԱՐԱՐԱՏԲԱՆԿԸ  համագործակցում է Xpress Money համակարգի հետ  դեռևս 2009 թվականից՝ հաճախորդներին առաջարկելով ապահով և մատչելի փոխանցումներ բազմաթիվ ուղղություններով,  այդ թվում՝ Արաբական միացյալ էմիրություններ, Քուվեյթ, Ֆիլիպիններ, Հնդկաստան և այլուր: