ԱՐԱՐԱՏԲԱՆԿԸ վեցերորդ անգամ դարձել է COMMERZBANK AG-Ի “Որակի գերազանցության” մրցանակակիր

ԱՐԱՐԱՏԲԱՆԿԸ  հերթական անգամ արժանացել է եվրոպական առաջատար բանկերից մեկի` գերմանական Commerzbank AG-ի «Որակի գերազանցություն» (Excellent STP Quality Award)  մրցանակին:

Վեցերորդ  անգամ անընդմեջ, այս մրցանակը բանկին շնորհվում է SWIFT փոխանցումների բարձր` 100%-անոց որակ ապահովելու համար: 2017թ.-ին  ԱՐԱՐԱՏԲԱՆԿԸ  դրամական փոխանցումների բարձր որակն ապահովել է  փոխանցումների արագ մշակման ավտոմատ համակարգի կատարելագործման և առավելագույն կարճ ժամկետում  փոխանցումները շահառուներին  հասանելի դարձնելու շնորհիվ: