Բանկի մասնաճյուղերի աշխատակիցների վերապատրաստում

Այսուհետ ԱՐԱՐԱՏԲԱՆԿ-ի պահառության ու ռեեստրավարման ծառայությունները հասանելի են ինչպես Բանկի գլխամասային գրասենյակում, այնպես էլ հաճախորդի նախընտրած մասնաճյուղում։

Որակյալ, արագ և հարմարավետ սպասարկման և ներդրումային ծառայությունների մատուցման գործում մասնաճյուղերի ներգրավման ապահովման նպատակով ԱՐԱՐԱՏԲԱՆԿ-ի գլխամասային գրասենյակում մասնաճյուղերի աշխատակիցների համար անցկացվել են վերապատրաստման առկա և հեռավար դասընթացներ։

Դասընթացները անցկացվել են երկու փուլով՝

•  ուսուցողական-նախաքննական առկա դասընթացներ,
•  ուսուցողական-գործառնական հեռավար դասընթացներ։

Անձնակազմի վերապատրաստումն իրականացվել է Ներդրումային ծառայությունների վարչության որակավորված մասնագետների կողմից մշակված տեսական գիտելիքների և գործնական հմտությունների  համալիր ծրագրով։ Աշխատակիցները մանրամասն ուսումնասիրել և ծանոթացել են պահառության ու ռեեստրավարման և ՀՀ ֆինանսական շուկայում շրջանառվող արժեթղթերի առանձնահատկություններին։