ՈՒՇԱԴՐՈՒԹՅՈՒՆ. Զգուշացեք հեռախոսային խարդախություններից

Հարգելի՛ հաճախորդներ,

Հայաստանի Հանրապետությունում վերջերս մեծ տարածում են ստացել հեռախոսային խարդախությունները։ Ուստի, ԱՐԱՐԱՏԲԱՆԿ-ը զգուշացնում է, որ Բանկի հեռախոսային կենտրոնի աշխատակիցը․

• հեռախոսազրույցը սկսում է հայերեն լեզվով
• զանգահարում է Բանկի հեռախոսահամարից
• հարցադրումների միջոցով չի փորձում կորզել տվյալներ հաճախորդի վարկային/դեբետային քարտի նիշերի, PIN կոդի, CVV/CVC ծածկագրերի և բանկային հաշվի վերաբերյալ։

ՀԻՇԵՑՈՒՄ․ Զեղծարարները զանգահարում են «իրենց զոհերին» և ներկայանում որպես բանկի աշխատակիցներ: Հեռախոսազանգի ընթացքում փորձում են պարզել հաճախորդի ֆինանսական և անձնական տվյալները, որոնք հետագայում օգտագործվում են զոհի ֆինանսներին հասանելիություն ստանալու համար: 

ՈՒՇԱԴՐՈՒԹՅՈՒՆ. Զեղծարարները շատ լուրջ պատրաստված հոգեբաններ են (որոնց խոսքը առաջին հայացքից շատ պարզ ու համոզիչ կարող է թվալ) և տարատեսակ հարցադրումների միջոցով ունակ են ստանալու իրենց հուզող հարցերի պատասխանները։  Որևէ կասկածի դեպքում հորդորում ենք չտրամադրել տեղեկատվություն, դադարեցնել հեռախոսազրույցը և զանգահարել բացառապես ՔԱՐՏԻ ԴԱՐՁԵՐԵՍԻՆ ՆՇՎԱԾ ՀԵՌԱԽՈՍԱՀԱՄԱՐԻՆ՝ (+374) 10 59 23 23։